![]() | ||||
---|---|---|---|---|
![]() | ||||
Desendolcador | Nintendo | |||
Distribuidora | Nintendo | |||
Plataforma | Game Boy Advance, Nintendo 3DS, Nintendo Entertainment System, Super Nintendo Entertainment System, Nintendo 64, Nintendo GameCube, Wii, Wii U, Virtual Console, Nintendo Switch, Game Boy, Game Boy Color y Nintendo DS | |||
Publicación | 21 febreru 1986 | |||
Xéneru |
science fantasy video game (en) ![]() ![]() | |||
Más información | ||||
Páxina web oficial | zelda.com, nintendo.co.jp… y nintendo.co.kr… | |||
| ||||
![]() |
The Legend of Zelda (ゼルダの伝説 Zeruda no Densetsu?) ye una serie de videoxuegos d'aición-aventura creada polos diseñadores xaponeses Shigeru Miyamoto y Takashi Tezuka,[1] y desenvuelta por Nintendo, empresa que tamién s'encarga de la so distribución internacional. La so trama polo xeneral describe les heroiques aventures del mozu guerreru Link, que tien d'enfrentase a peligros y resolver acertijos p'ayudar a la Princesa Zelda a ganar a Ganondorf y salvar el so llar, el reinu de Hyrule.
A partir del llanzamientu del primer xuegu en 1986, The Legend of Zelda llogró una notable popularidá acompañada de crítiques favorables na industria de los videoxuegos, traducíes nun cuantioso ésitu comercial a nivel internacional[2][3] —hasta febreru de 2017 calcúlense más de 90 millones de copies vendíes de los sos xuegos; pa les ventes específiques de cada títulu de la franquicia, vease la seición Comercial—.
La continuidá cronolóxica de la trama de los xuegos foi oxetu d'alderique col pasu del tiempu.[4][5] Dalgunos de los sos siguidores y espertos de la industria cuestionaben la cronoloxía, al nun poder topar venceyos ente dellos títulos.[1] Finalmente, en 2011 apaeció publicada la cronoloxía oficial de la serie nel llibru Hyrule Historia, onde s'esplica que The Legend of Zelda cuenta con tres llinies de tiempu distintos.[6][7]
Nun principiu, Nintendo nun consideraba que'l videoxuegu de Miyamoto y Tezuka fora a algamar notoriedá nel mercáu xaponés, anque pocu dempués convencióse del so impautu.[8][9] En 1987 el primer xuegu llograra vender un millón de copies[10] y, tres la so distribución n'otros países, comercializáronse tres millones de copies más. Esto ayudó a amontar el númberu de ventes de la consola Nintendo NES, la primera fabricada por Nintendo.[11] Col intre del tiempu, la serie llogró numberoses crítiques positives na industria de los videoxuegos. Asina, la prestixosa revista xaponesa Famitsu destacó a Ocarina of Time, The Wind Waker, Skyward Sword y Breath of the Wild como «xuegos perfectos»,[12][13][14][15] ente que la mayoría de los otros títulos fueron reconocíos como los meyores estrenos nos sos respeutivos años de llanzamientu, como nel casu de A Link to the Past —consideráu por Game Rankings como'l segundu meyor xuegu de 1992 pa la plataforma Super Nintendo—[16] y Twilight Princess —consideráu como'l «meyor xuegu» de 2006 pol sitiu web Game Informer—.[17]
La franquicia de The Legend of Zelda inclúi una serie animada de televisión tresmitida en 1989, según numberosos manga, noveles y llibros publicaos so la llicencia de Nintendo, anque nengún d'estos considérense canónicos.
<ref>
nun ye válida; nun se conseñó testu pa les referencies nomaes gamespot date